A viña de meu pai

Cancioneiro da seitura de Manzaneda e Terras de Trives

O presente traballo de Xosé Lois Foxo recolle a herdanza intanxible traducida nos cantos e músicas que predominaban en Manzaneda e na contorna das Terras de Trives antes da invención dos discos e da radio. Os cantos de seitura e os cantos de folións son as músicas máis emblemáticas e teñen unha longa tradición histórica na comarca e o cancioneiro compila máis de cento oitenta destas pezas musicais, transcritas e editadas, acompañadas dos seus orixinais en audio e distribuídos nun lapis dixital que acompaña a publicación.

A viña de meu pai


COTARÓS (SANTIAGO), Pobra de Trives (A), Ourense

Compilador: Xosé Lois Foxo

Tipo: música

Contido

Recollida de Blandina González Rodríguez de Cotarós

Detalles

Do outro lado do río
tén o meu pai unha viña
nin a poda nin a caba
pero si que a vendima.

(bis)

Vendimiador que vendimias
na cestiña do teu pai
o viño vai na cabaza
i o pan na cestiña vai.

(bis)

I este viño si que é viño
criado nas verdes matas
que os bornes máis valentes
pronto os fai andar de gatas.

(bis)

Viño que nace na cepa
si naceras nunha xesta
xa que baixas á barriga
que volves tacer á testa.

(bis)

Moza que estás na ventana
ca punta do pano fóra
eu quería verche a cara
co pano xa ma nemora.

(bis)

(Estrofas non incluídas no documento sonoro)

I ao subila i ao baixala
a costiña do cerredo
ao subila i ao baixala
perdín a cinta do pelo.

Si son borrachos que sean
a nadie lle importa nada
iles pagan o que deben
ao terminar a semana.

Categoría

Rondas e parrafeos

Imaxes

Non hai imaxes na peza


Outras pezas na mesma zona