"Repuliño repulaino..."

Cancioneiro popular galego

O Cancioneiro Popular Galego, obra fundamental sobre o folclore musical de Galicia, é froito do traballo de recolleita que entre 1978 e 1983 levou a cabo Dorothé Schubarth, coa inestimable axuda de Antón Santamarina, por trinta e oito zonas da nosa xeografía, incluídas áreas limítrofes. A riqueza, a diversidade e a particularidade das nosas melodías, coplas, lendas e contos prolongaron o traballo máis do inicialmente planeado e permitiron configurar un corpus de traballo sobre o que fundar unha nova metodoloxía etnomusicolóxica, con novos parámetros de clasificación e de estudo, que continúan a influír nos investigadores actuais. O resultado deste inmenso labor foi a publicación do Cancioneiro Popular Galego, en sete volumes, editado pola Fundación Barrié en 1984, que tamén tivo a xenerosidade de apoiar economicamente a prolongada estancia da profesora Schubarth en Galicia.

"Repuliño repulaino..."

Galanteo Amor

MAROXO (SANTA MARÍA), Arzúa, A Coruña

Compilador: Dorothé Schubarth e Antón Santamarina

Tipo: música

Contido

Recollida de Antonia, 49 anos, e voz de home sen identificar

Detalles

"Repuliño repulaino..." Melodía: I 83 - Letra: I 251b

Repuliño repulaino
/:quén te me dera repolo:/
na miña quinta plantado

"I o arrieliño das nenas..." Melodía: I 83 - Letra: VI 1246

I o arrieiriño das nenas
é de tres en tres semanas
cando lles tarda máis dun mes-e
xa che din que están priñadas

"Eu pedín a unha nena..." Melodía: I 83 - Letra: VI 1087d

Eu pedín a unha nena
no porteliño do prado
ela díxome que non podía
que estaba o prado mollado

"Eu requerín a nena..." Melodía: I 83 - Letra: VI 1088

Eu requerín a nena
no porteliño do prado
ela respondeume que non podía
que tiña o cú furado

"Arrieriño Manuel,..." Melodía: I 83 - Letra: I 349a

Arrieiriño Manuel
deixa descansar as mulas
tamén os máis arrieiros
deixan descansa-las súas

"Unha vella moi ben vella..." Letra: VI 1339

Unha vella moi ben vella
máis vella que o salamanque
botou un peido na cama
fixo recachá-la manta
la la lala…

Referencias bibliográficas:

Schubarth, D. e Santamarina, A. (1984). "Cancioneiro Popular Galego. Oficios e labores". A Coruña: Fundación Barrié.

Schubarth, D. e Santamarina, A. (1993). "Cancioneiro Popular Galego. Coplas diversas, cantos enumerativos e estróficos". A Coruña: Fundación Barrié.

Categoría

Coplas

Notas

No Cancioneiro popular galego o topónimo Maroxo aparece como Marroxo

Localización física do documento

Consello da Cultura Galega. Arquivo Sonoro de Galicia. Colección Schubarth e Santamarina

Sinatura

SCSA-CD/0020

Imaxes

Non hai imaxes na peza

Documentos

Non hai documentos na peza

Mapa sonoro de Galicia Que é Colabora

Mapa