"Eu tiña moi bo pelo..."

Cancioneiro popular galego

O Cancioneiro Popular Galego, obra fundamental sobre o folclore musical de Galicia, é froito do traballo de recolleita que entre 1978 e 1983 levou a cabo Dorothé Schubarth, coa inestimable axuda de Antón Santamarina, por trinta e oito zonas da nosa xeografía, incluídas áreas limítrofes. A riqueza, a diversidade e a particularidade das nosas melodías, coplas, lendas e contos prolongaron o traballo máis do inicialmente planeado e permitiron configurar un corpus de traballo sobre o que fundar unha nova metodoloxía etnomusicolóxica, con novos parámetros de clasificación e de estudo, que continúan a influír nos investigadores actuais. O resultado deste inmenso labor foi a publicación do Cancioneiro Popular Galego, en sete volumes, editado pola Fundación Barrié en 1984, que tamén tivo a xenerosidade de apoiar economicamente a prolongada estancia da profesora Schubarth en Galicia.

"Eu tiña moi bo pelo..."

Costureiras Galanteo

MAROXO (SANTA MARÍA), Arzúa, A Coruña

Compilador: Dorothé Schubarth e Antón Santamarina

Tipo: voces

Contido

Recollido de Salomé, 74 anos

Detalles

"Eu tiña moi bo pelo..." Transcrición: V 199 bis(2)

Eu tiña moi bo pelo, cand’era moza tiña unha trenzaza de pelo; que naquel tiempo a que tiñ’así unha boa trenza de pelo, que se levaba, com’ aghor’andar rapadas, e as perniñas dereitas e ben peitada anque fora fea tíñana por guapa, dábanll’o título de ghuapa, i era ghuapa.
Estaba cosendo na casa dunha tía, e viñeron pr’alí os mozos e un quería estar comigho i outro non o deixaba, eran da misma parroquia, estab’ó pé de min i outro estab’así unha mighiña desviado e ca rabia de que non podía falar conmigho peghou a coplas comigho e despois lovárono da casa, moito se reu del, Dios mío! porque despois, eu non sei se s’acabou a ‘storia se non tiña máis pés.

Referencia bibliográfica:

Schubarth, D. e Santamarina, A. (1988). "Cancioneiro Popular Galego. Cantos dialogados". A Coruña: Fundación Barrié.

Categoría

Desafíos

Notas

No Cancioneiro popular galego o topónimo Maroxo aparece como Marroxo

Localización física do documento

Consello da Cultura Galega. Arquivo Sonoro de Galicia. Colección Schubarth-Santamarina.

Sinatura

SCSA-CD/0021

Imaxes

Non hai imaxes na peza

Documentos

Non hai documentos na peza

Mapa sonoro de Galicia Que é Colabora

Mapa