"Era un home que había nunha parroquia..."

Cancioneiro popular galego

O Cancioneiro Popular Galego, obra fundamental sobre o folclore musical de Galicia, é froito do traballo de recolleita que entre 1978 e 1983 levou a cabo Dorothé Schubarth, coa inestimable axuda de Antón Santamarina, por trinta e oito zonas da nosa xeografía, incluídas áreas limítrofes. A riqueza, a diversidade e a particularidade das nosas melodías, coplas, lendas e contos prolongaron o traballo máis do inicialmente planeado e permitiron configurar un corpus de traballo sobre o que fundar unha nova metodoloxía etnomusicolóxica, con novos parámetros de clasificación e de estudo, que continúan a influír nos investigadores actuais. O resultado deste inmenso labor foi a publicación do Cancioneiro Popular Galego, en sete volumes, editado pola Fundación Barrié en 1984, que tamén tivo a xenerosidade de apoiar economicamente a prolongada estancia da profesora Schubarth en Galicia.

"Era un home que había nunha parroquia..."

relixión contos historias locais

CALLOBRE (SAN MARTIÑO), Estrada (A), Pontevedra

Compilador: Dorothé Schubarth

Tipo: voces

Contido

Recollida de Manuel, de 85 anos.

Detalles

Era un home que había nunha parroquia que era moi amigho de ir á misa. E un día tamén foi e resulta que tiña unha oferta feita por un fillo que tiña no servicio, ou que lle iba pa’o servicio. E resulta que púxose detrás do cura, tando arrodillado e dando besos no altar. E o home andaba en calzoncillos e tantos besos, tantos besos dou, que lle abriron os calzoncillos por detrás. E resulta que a xente ría que non tiña traza. O cura en vez de meter o cáliz na boca, meteu’no candelero. O sancristán non atendía a atender ao cura. E resulta que a xente rindo, e rindo e rindo, e por fin acabouse a misa. E el saleu da iglesia no medio de toda a xente, pero un compadre del que se chamaba ... dixo:
- Home, home, sal pa fora. Parece mentira que seas tan religioso e viñeras facer esas cousas á ighlesia.
- E logho que fixen? Así que por facer unha ofreta que teño feita polo meu fillo que se libre do servicio, e é facer mal eso?
- ... tí farías a ofreta de que se libre o fillo do servicio e mais do servicio das armas, o que é ti, amostraches os balotes polo burato dos calzoncillos canto che dou a ghana.

Categoría

Contos

Localización física do documento

Consello da Cultura Galega. Arquivo Sonoro de Galicia. Colección Schubarth e Santamarina

Sinatura

SCSA-CD/0225

Imaxes

Non hai imaxes na peza

Documentos

Non hai documentos na peza

Mapa sonoro de Galicia Que é Colabora

Mapa