Canta rulo, canta rulo

Cancioneiro antropolóxico. Quiroga, Ribas do Sil, Montañas do Lor.

Esta colección é froito do traballo de selección e estudo antropolóxico, que levou a cabo o profesor Xosé Luis Foxo nun espazo que abrangue as denominadas "Terras do Lor e do Sil", é dicir, os concellos de Quiroga e Ribas de Sil principalmente.
Compre destacar a importancia que subxace na recuperación e revalorización da cultura rural popular galega, que neste volume xoga o papel de protagonista. Así mesmo, axuda a reconstruir a identidade do pobo galego, a súa historia e a sua tradición.

Aquí atopamonos con un considerable número de pezas resultado do saber popular: cantigas, documentos fotográficos, partituras, lendas, arrolos, etc. Contextualizado e complementado cun estudo antropolóxico que realiza o autor. O seu uso e reproducción pretende ter vías moi distintas, comezando pola simple curiosidade do visitante da web, ata os centros de ensino e os círculos de investigación de distintos eidos culturais.

A labor de difusión e dixitalización de estas coleccións por parte do Consello da Cultura Galega ten o obxectivo de recoñecer o papel dos sons, das cantigas, e en definitiva, da música. A música que sempre estivo presente no día a día da sociedade, e máis no rural como nos mostran os cantos referidos a actividades de labor, a periodos ou festividades do ano, etc. A obra de Xosé Luis Foxo permite comprender como era o abanico musical das terras bañadas polos río Lor e Sil, ofrecéndonos unha visión esclarecedora a través do seu estudo antropolóxico.

Canta rulo, canta rulo


Margaride, QUINTA DO LOR (SANTA MARÍA), Quiroga, Lugo

Compilador: Xosé Lois Foxo

Tipo: voces

Contido

Recollida de Emilio e Argentina Rodríguez Pardo

Detalles

Canta rulo, canta rulo
canta rulo no teu souto
non esperes miña nena
ai, la, ra, la, la, la
polo que está nas maus "doutro".

Canta rulo, canta rulo
canta rulo naquel souto
coitadiña aquela nena
ai, la, ra, la, la
que ten amores con outro.

Eu pedir ben cho pedín
tú non mo quixeche dar
déchello a quen queixeche
ai, la, ra, la, la, la
i ahora posmas "e min".

Ahora xa foi e foi
nena non teñas pesar
ahora xa foi e foi
ai, la, la, la, la, la
Dios echo ha de remediar.

Imaxes

Non hai imaxes na peza


Outras pezas na mesma zona